Össur Skarphéðinsson hefur verið talsvert milli tannanna hjá Pírötum síðan hann sagði að lítill munur væri á Pírötum og Samfylkingunni. Viðtökurnar hafa verið mátulega góðar og nú skrifar Össur:
Á minna en einum sólarhring hef ég verið kallaður „tröll,“ sömuleiðis „fat bastard“ og líka „þjófur“ á opinberri síðu Pírata. Þetta er svona tæknilega þöggun þar sem ofbeldi er beitt til að hrekja frá þá sem hafa óæskilegar skoðanir. Þetta er semsagt hreyfingin sem ætlaði að innleiða ný vinnubrögð. – Ja, mikill er andskotinn, sagði kellingin og sló á lær.
Össuri er bent á að ekki sé sama Pírataspjallið og Píratar. En hann svarar:
Flokkseigendafélagið er virkt á spjallinu. Kosningabaráttan um sæti fer þar fram. Svo varla er þetta bara hjáleiga.
Einn þátttakandi í samtalinu skrifar svo:
Hef tekið eftir að reiða fólkið er allt komið yfir í Pírata.
