Bærinn sem virtist svo grár og ljótur fyrir nokkru er orðinn bjartur og fagur. Fáar borgir taka eins miklum stakkaskiptum á vorin og Reykjavík.
Ég er ekki mikill myndasmiður, en ég er nokkuð ánægður með þessa mynd sem ég tók við Tjörnina – the Reykjavik Lake eins og hún heitir hjá túristunum – í gærkvöldi, klukkan var farin að ganga tólf. Myndin nær því næstum að vera eins og póstkort. Ég var ekki lengi að ná þessu, mótívið blasti við í göngutúr í gærkvöldi og það var bara einn smellur.
Þetta var var töfrandi kvöld með hina seiðandi birtu norrænna sumarnátta. Ég er ekki frá því að rauðu túlípanarnir fremst geri myndina og svo guli runninn sem nú sést víða í blóma, mér skilst hann kallist geislasópur.
Njótið sumarblíðunnar!