Íslendingar ætla halda jól í skugga græðginnar. Túristum er mokað hingað inn eins og enginn sé morgundagurinn, það er sagt að Reykjavík sé dýrasta borg í Evrópu fyrir þessi jól. Einsleitnin er farin að verða mikið áhyggjuefni, líkt og skortur á innviðum. Ekki verður séð á nýju fjárlagafrumvarpi að ætlunin sé að bæta þar úr – frekar líkt og Íslendingar séu ánægðir með að hirða bara peninginn en gera lítið til bæta aðstöðuna, tíma því ekki.
Við þurfum mikið af erlendu vinnuafli til að halda uppi góðærinu hér. Hér í textanum að neðan segir maður að nafni Gabriel frá reynslu sinni af peningagræðgi á Íslandi eins og hún birtist í leigu á húsnæði til innflytjenda. Þetta birtist á Facebooksíðu sem nefnist Leiga. Það er talað um skort á samvisku og siðferðisvitund, herbergi með engri sturtu, sem eru jafnvel búin til með því að stúka niður eitt herbergi í fimm, og leigð á 90 þúsund á mánuði.
Sex herbergja íbúð þar sem hvert herbergi er leigt á 100 þúsund á mánuði. Herbergi í óíbúðarhæfum kjöllurum og geymslum.
Gabriel segist hafa komið hingað vegna menningarinnar sem hann hafði heyrt af, en hann sjái nú engan mun á Íslandi og öðrum löndum.