Menn rifja upp fjölflokkastjórnina 1988 til 1991. Í henni sátu Framsóknarflokkur, Alþýðubandalag og Alþýðuflokkur og síðar Borgaraflokkur. Stjórnin naut líka stuðnings Stefáns Valgeirssonar. Hann var upphaflega framsóknarmaður, en klauf sig úr flokknum og komst inn á þing á eigin vegum 1987.
En til að stjórnin gæti haldið velli þurfti stuðnings Stefáns. Þegar verið var að mynda stjórnina var þetta allt nokkuð óljóst og talað um það í fréttum að „huldumaður“ myndi vera í stjórnarliðinu eða veita stjórninni hlutleysi.
Stefán var spurður að því í fréttatíma hvort hann væri þessi huldumaður. Hann svaraði, mjög dulur á svip.
Ef huldumaður er ekki huldumaður þá er huldumaður ekki huldumaður.