Þetta er besta efnið á internetinu í dag.
Öldungadeildarþingmaðurinn Elizabeth Warren, sá stjórnmálamaður bandarískur sem hefur gengið harðast fram í gagnrýni á bankakerfið, tekur John G. Stumpf, forstjóra Wells Fargo bankans, algjörlega til bæna.
Bankinn gerir sig sekan um sviksamlegt athæfi, og viðbrögð stjórnenda hans er að reka lægra setta starfsmenn. Warren segir forstjóranum að hann eigi að segja af sér sjálfur.
Svikin voru til þess fallin að þrýsta upp hlutabréfaverði í bankanum. Stumpf sjálfur hagnaðist gríðarlega á þessu. En starfsmönnum bankans var gert að taka þátt í svikamyllunni. Warren spyr:
Ef þú hefur enga skoðun á mestu svikum í sögu þessarar bankastofnunar, hvernig geturðu þá haldið áfram að þiggja laun frá henni?