Tölvupóstur Vigdísar Hauksdóttur þar sem segir að Oddný Harðardóttir hafi „dissað íslenskunni“ og haft „svigurbarkaleg“ ummæli hefur vakið nokkra eftirtekt.
Skáldið Böðvar Guðmundsson segir að þetta hafi heyrst kveðið „í hól í Norðurlandskjördæmi“:
Eina veit ég blíða á brá
sem berið sætt á lyngi
svigurbarka-seima-Gná
og situr nú á þingi.
(Til skýringar: Seima-Gná er þekkt kvenkenning í íslenskum kveðskap, til dæmis má finna hana í Rímum af Líkafróni kóngssyni og köppum hans eftir Sigurð Breiðfjörð.)