Þetta er merkileg atkvæðagreiðsla atarna. Það er stórmál til umfjöllunar, hinn umdeildi Búvörusamningur, en þingheimur kýs annað hvort að sitja hjá eða vera fjarverandi.
Er skýringin sú að þingmenn nenna ekki, er þeim sama eða vilja þeir ekki taka afstöðu?
Þannig að þetta stóra mál fer í gegn um Alþingi með 19 atkvæðum gegn 7. Heilir 37 þingmenn greiða ekki atkvæði af einhverjum ástæðum.
Einungis Björt framtíð segir í heild nei við samningnum, en Samfylking, Vinstri græn og Píratar eru ekki með, sumir sitja hjá, aðrir eru hreinlega í burtu.
Samningurinn er til tíu ára og er verðtryggður, það er samþykkt af þingmönnum sem sumir finna verðtryggingu annars allt til foráttu.