Þessa frétt má lesa á vefsíðu Morgunblaðsins. Ofboðsleg seinkun á flugi, farþegar fá litlar upplýsingar og vita ekki sitt rjúkandi ráð.
Um daginn flaug ég með Niki, sem er dótturfélag þýska flugfélagsins Air Berlin. Talsverðar tafir urðu á fluginu.
Þegar það var orðið ljóst og vélin nálgaðist flugvöllinn í Vínarborg fóru flugfreyjurnar að dreifa upplýsingum um hvernig farþegar sem voru í þann mund að missa af tengiflugi ættu að fara að. Sumum var sagt að fara á hótel sem hafði verið bókað fyrir það, öðrum var tilkynnt um að þeim hefði verið komið í aðrar flugvélar. Maður heyrði að sumar þeirra voru frá samkeppnisaðilum, Air France, British Airways, Iberia. Það var greinilegt að allt var gert til að koma farþegum fljótt og örugglega á leiðarenda, en þeir sem komust ekki greiðlega áfram fengu gistingu.
Þetta var þýsk neytendavernd.
Það eru geysilega margir að ferðast með flugi alþjóðlega, ástæðan er sú að við lifum í heimi sem er býsna frjáls og velmegun er útbreidd. Það er ekki jafn einstakt að fara í flugvél og áður og það er að sönnu ekki jafn þægilegt. En það er ekki þar með sagt að farþegar séu hjörð sem hefur engan rétt.