Þetta er það nýjasta í kosningabaráttunni. Nú er búið að draga Baug inn í þetta – kannski eins og vænta mátti. Kemur altént ekkert rosalega á óvart – þótt hann komi málinu ekkert við.
Maður þarf ekki að velta mikið vöngum til að sjá hvern þeir styðja sem hafa búið þetta til. En kannski mun enginn gangast við því. Framsetningin er þó kunnugleg.
Þessu er dreift á Facebook, virkar kannski eins og eitthvað sem kemur upp úr grasrótinni, en ef auglýsingin er skoðuð má sjá að hún er býsna vandlega og fagmannlega unnin. Myndvinnslan er góð og notkun myndmálsins sterk. Sjáið til dæmis fánann sem líkt og breiðir sig út í átt að Bessastöðum.
En fyrst minnst er á Baug, rifja ég þá upp þá kenningu mína að átökin sem voru á Íslandi fyrir hrun hafi fyrst og fremst verið stríð milli gengja. Ég stend við það.