Ólafur Ragnar Grímsson er gestur í Eyju Björns Inga Hrafnssonar á Stöð 2 á morgun.
Það verður að segjast eins og er, maður getur varla ímyndað sér hvernig hann getur snúið sér út úr þeim vandræðum sem hann er kominn í – eða yfirleitt hvernig hann ætlar að reyna það?
Nú reynir á klókasta stjórnmálamann á Íslandi á okkar tíð. Þetta verður allavega forvitnilegt að sjá.
Guðni Th. Jóhannesson er maður sem hefur hvergi komið nálægt stjórnmálum – það virkar ansi erfitt að ætla að finna raunverulegan höggstað á honum.
En hann hefur náttúrlega tekið þátt í þóðfélagsumræðu, sérstaklega eftir hrun, og menn eru að reyna fyrir sér með tilvísun í að hann, þá sagnfræðingur úti í bæ, hafi stutt Icesave.
Icesave tryggði Ólafi Ragnari kjör fyrir fjórum árum – en það mun ekki duga til að þessu sinni.
Hér er einn sem er illilega í nöp við báða þessa frambjóðendur og líklega þá alla – hugði enda á framboð sjálfur. Reykjavíkurbréf Morgunblaðsins í dag.