Er ekki nóg komið af fréttum af einhverju fólki sem er að delera á Alþingi?
Hvað kemur það okkur við hvað þetta fólk er að rövla á nóttinni – hvort sem það heitir Árni Johnsen, Björn Valur Gíslason eða Vigdís Hauksdóttir?
Mest af þessum umræðum virðast fara fram þegar sæmilega siðað fólk er farið að sofa.
Og þar eru þær best geymdar – í nóttinni.
Hann er svo ekki minna lágkúrulegur þessi eindregni vilji til að móðgast sem líka einkennir ástandið í þingsölum.