Það er óvíst hvernig spilast úr málum hjá Syriza í Grikklandi. Flokkurinn er sigurvegari í þingkosningum, en nær hann að mynda nógu sterka ríkisstjórn til að fylgja kröfum sínum eftir? Þessi fjöldahreyfing virðist ætla að fá um 37 prósent atkvæða – miklu meira en gömlu spilltu stjórnarflokkarnir sem leiddu Grikkland inn í kreppu og hafa getað lafað áfram við völd, sumpart vegna þess að valkosti hefur vantað og vegna þess að þeir eru þægir gagnvart peningavaldinu.
Skilaboðin nú eru ótvíræð.
Þau beinast að Alþjóða gjaldeyrissjóðnum, Evrópska seðlabankanum og Evrópusambandinu – og ofurvaldi fjármálastofnana.
Fólk er mikilvægara en peningar.