La dolce vita eftir Fellini er einhver stórkostlegasta mynd allra tíma, full af gamansömum húmanisma höfundarins.
Myndin er eitt af sterkustu táknum áranna í kringum sextíu. Við höfum hinn ringlaða Marcello Mastroianni, stórkoslega tónlist Nino Rota – og svo Anitu Ekberg, sænsku kynbombuna, larger than life, þar sem hún stígur út í Trevi-gosbrunninn að næturlagi og baðar sig. Flestar kvikmyndastjörnur nútímans virka eins og mjónur miðað við Anitu Ekberg.
Ekberg er nú látin, 83 ára að aldri, en það gæti verið erfitt að komast að Trevi-gosbrunninum til að fara þar í bað – þar úir og grúir af ferðamönnum jafnt dag sem nótt.
