Hér er dásamlega falleg ljósmynd frá því í kringum 1970. Þarna höfum við módernisma þess tíma eins og hann er tærastur.
Í bakgrunni er alþjóðahótelið Hótel Saga – mjög glæsilegt.
Í forgrunni er bensínstöð Shell á Birkimel, glerhýsi í nútímalegum stíl. Afgreiðslumaðurinn er í einkennisbúningi.
Á þessum tíma var Hagatorg sérlega flott, með Hótel Sögu, Háskólabíói , Neskirkju og Melaskóla í kring – síðan hafa þar verið byggð ljótari hús og viðbygging Hótel Sögu er misheppnuð.
Takið eftir leigubílnum fremst á myndinni. Leigubílar á þessum árum voru merktir með bókstafnum L á skilti við hliðina á númeraplötunni.