Þetta er árið 1961. Stefnuskrá Kommúnistaflokks Sovétríkjanna er slegið upp með miklum fögnuði á forsíðu Þjóðviljans. Segir að grundvöllur verði nú lagður að hinu „kommúníska skipulagi“ og blasi við þjóðum Sovétrikjanna „björt framtíð velmegunar og stöðugra framfara“.
Fáum dögum síðar var hafist handa við að reisa Berlínarmúrinn, múr mannfyrirlitningarinnar eins og hann hefur verið kallaður. Manni hefur helst skilist á umræðu undanfarna daga að á þessum tíma hafi íslenskir kommúnistar alveg verið búnir að gleyma draumum sínum um „Sovét-Ísland“ og Sovéttrúboðið hafi heyrt sögunni til. Því fer fjarri, eins og hér má sjá.