Ég hef alltaf haft mikla trú á málamiðlunum.
Það er oft mjög ósanngjarnt ef einn málsaðili fær öllum sínum kröfum framgengt – slíkt getur valdið sárindum sem endast lengi.
Við höfum mýmörg dæmi um það.
Nú er deilt um hvort flýta eigi klukkunni.
Þorsteinn Sæmundsson, stjörnufræðingur og ritstjóri Almanaks Háskólans, kemur einmitt inn á þetta í viðtali á mbl.is – að stilling klukkunnar sé alltaf málamiðlun.
Þetta er eins og mælt úr mínum munni, enda hef ég lengi verið þeirrar skoðunar að þeir sem vilja flýta klukkunni eigi að gera það, en þeir sem vilja hafa klukkuna óbreytta láti það ógert.
Það gæti orðið mjög forvitnilegt. Frjáls klukka!