Að fara byggja hér nýjan steinsteypukubb upp á 60-80 milljarða á meðan starfsfólk er að ganga út af Landspítalanum – það er ekki nokkuð einasta vit í því. Við Framsóknarmenn höfum talað skýrt; þjóðin hefur ekki efni á nýjum spítala í dag, það eru alveg hreinar línur.
– Vigdís Hauksdóttir, formaður fjárlaganefndar og þingmaður Framsóknarflokksins, 31. júlí 2013.
Eða?
Bygging nýs Landspítala verður að hefjast fljótlega. Við getum ekki sætt okkur lengur við þann húsakost sem fyrir hendi er. Það er nóg af peningum í þjóðfélaginu til að hefjast handa þó að ríkissjóður sé tómur. Bankar og lífeyrissjóðir eru vel aflögufærir. Það er okkar að ná í þessa peninga og hefja framkvæmdir. Skammtímahugsun er því miður ríkjandi í íslenskri pólitík og því gerist lítið. Menn benda á forganginn – fyrst þurfi að tryggja að heilbrigðisstarfsfólk vilji starfa hérlendis. Þetta tvennt fer hins vegar saman. Kjör og vinnuaðstaða.
– Karl Garðarsson, þingmaður Framsóknarflokksins, 30. október 2014.