Hvers vegna segir biskupinn yfir Íslandi að það sé sorglegt að þjóðfélagið sé þannig að lögreglan þurfi á hríðskotabyssum að halda?
Höfum við einhver dæmi úr sögu Íslands um að lögregluaðgerðir hefðu veri betur heppnaðar ef byssum hefði verið beitt?
Þurfti byssur í búsáhaldabyltingunni?
Hvaða gagn gerðu byssurnar þegar geðveikur maður var skotinn í Árbænum í fyrra?
Hvaðan kemur þetta algjöra krítíkleysi hjá biskupnum? Er þetta ósjálfráð hollusta einnar stofnunar – þjóðkirkjunnar – við aðrar stofnanir?
Það hefur margsinnis komið fram í umræðu síðustu daga að ofbeldisbrotum fer fækkandi.
Á Kirkjuþingi steig einnig á pall Hanna Birna Kristjánsdóttir og kvartaði undan óvæginni opinberri umræðu og sagði að þjóðin „þurfi að læra að treyst á ný“.
En traust er eitthvað sem maður ávinnur sér. Traust fær maður ekki eftir pöntun. Stjórnvöldum og stofnunum er ekki treyst nema þær verðskuldi það.