Ég skrifaði í pistli í gær að utanríkisstefna Íslands eins og hún er í dag byggði á hugmyndum Ólafs Ragnars Grímssonar. Líkt og segir í greininni voru þær fyrst settar fram með afdráttarlausum hætti á tímanum þegar hann var formaður Alþýðubandalagsins, einkum í svokallaðri Útflutningsleið, en það var kosningastefnuskrá Alþýðubandalagsins í þingkosningunum 1995.
Það er ekki erfitt að ganga úr skugga um þetta. Hér er brot úr stefnuskrá Alþýðubandalagsins fyrir kosningarnar 1995, hún birtist með þessum hætti í Vikublaðinu sem þá var málgagn flokksins. Útflutningsleiðin var leiðarstef stefnunnar, en yfirskriftin var Vinstri stefna, Vinstri sigur, Vinstra vor.