Kjörtímabili Ólafs Ragnars Grímssonar lýkur næsta sumar – það gætu semsagt orðið forsetakosningar þá. Einn af samkvæmisleikjum vetrarins verður sjálfsagt að skima eftir arftaka Ólafs. Einhverjar vangaveltur hafa þegar verið í gangi – en manni finnst varla að neitt af þeim nöfnum sem hafa verið nefnd komi til greina. Ekki svona í alvörunni.
Ólafur Ragnar getur sjálfsagt setið áfram sem forseti í fjögur ár í viðbót ef honum sýnist. Meirihluti þjóðarinnar er ágætlega sáttur við hann – hvað sem Mogganum og nokkuð þröngum hópi sjálfstæðismanna finnst.
Eitt sinn voru uppi vangaveltur að honum yrði fundið pláss í einhverju alþjóðasamstarfi. Þannig hefði kannski mátt losna við hann. Íslenska ríkisstjórnin hefði þá þurft að beita sér fyrir því. Nú fer hvar að verða síðastur. Ólafur verður sextíu og fimm ára þegar núverandi kjörtímabili hans lýkur.
Þannig að kannski er líklegast að Ólafur sitji áfram. Hugsanlega er ástæðulaust að hafa marga forseta eftirlaunum. Varla spillir heldur fyrir að Dorrit er líklega vinsælasta kona á Íslandi.