Ég var ekki meira en málkunnugur Ásgeiri Elíassyni en mér fannst maðurinn alltaf einstaklega viðkunnanlegur þar sem hann birtist með hattinn og pípuna.
Ásgeir stjórnaði einu af þremur bestu fótboltaliðum sem hafa verið til á Íslandi – Framliðinu með Pétur Ormslev í aðallhlutverki sem vann allt í fótboltanum á árunum 1985 til 1990.
Hin liðin eru Valur sirka ár 1978 og ÍA á fyrri helmingi síðasta áratugs.
Ég man ekki nógu vel eftir gullaldarliði KR sem hafði yfirburði á sínum tíma. Var bara strákur sem dáði leikmennina.
Nú bíður okkar KR-inga það hlutskipti að falla um deild. Best er að líta björtum augum á hlutina – maður fær kannski að koma á nýja staði og kynnast litlum og skemmtilegum leikvöllum sem maður hefur aldrei séð áður.
