Kommentakerfið á þessari síðu er ekki að virka almennilega, ég hafði hugsað mér að leyfa athugasemdir við greinarnar, en þó undir nokkru eftirliti. En af því þetta er ekki að komast alveg til skila birti ég hér eftirfarandi athugasemd við greinina Vitlaus viðhorf  sem barst frá Guðmundi Gunnarssyni:

„Það er sama hvar borið er niður alls staðar er verið að verja þá sem ekki geta sætt sig við almennar umgengnisvenjur og tillit til saamborgara sinna. Ef nemandi beitir aðra nemendur ofbeldi og kúgun og eyðileggur starf kennara, þá nýtur hann verndar, ekki þeir sem fyrir ofbeldinu verða. Vitanlega leiðir þetta til þess að kúgarinn gengst upp í athæfi sínu. Ökumaður brýtur lög og neitar að láta taka sýni, þá er rokið til og gefnar út stuðningsyfirlýsingar fyrir þessu athæfi, jafnvel af starfsmönnum heilbrigðisþjónustunnar. Með þessu er verið að hvetja fólk til þess að virða störf lögreglu einskis. Ef sett er bann við reykingum að beiðni hins mikla meirihluta sem ekki reykir þá telja reykingamenn, með stuðning veitingamanna, sig hafa fengið heimild til þess að svína út gangstéttir með brotnum glösum og öðrum sóðaskap og hrópum að saklausu fólki sem á leið þar um. Nemendur í útskriftarferð leggja hótel í rúst, þá eru settar fram skoðanir um ósanngirni starfsfólks hótelsins. Þannig má lengi telja og spyrja erum við á leið til þess að verða mestu rustamenni Evrópu, sem teljum að við séum beitt forsjárhyggju ef þess er krafist að við förum að lögum og sanngjörnum umgegnisvenjum?“