Vitur maður sem er nýlega látinn, sveitarstjórnarmaður til margra ára, sagði eitt sinn við mig:
„Það skiptir engu máli hvaða flokkar ráða í sveitarstjórnum. Einn staður getur blómstrað undir stjórn fólks úr Sjálfstæðisflokknum meðan allt er niðurníðslu í næsta bæ þar sem sami flokkur er við völd. Hið sama má segja um alla flokkana. Þetta veltur allt á einstaklingunum.“
Þetta er auðvitað lóðið. Eftir átök síðustu daga veltir maður fyrir sér hvort ekki sé ástæða til að draga úr áhrifum stjórnmálaflokkanna í borgarstjórninni.
Í ráðhúsinu situr hvort eð er fólk sem er sammála um hérumbil allt. Ég treysti mér til að fullyrða að þegar Sjálfstæðisflokkurinn tók við völdum varð nákvæmlega engin stefnubreyting. Vinnubrögðin breyttust kannski, ekki stefnan.
Í borgarstjórn vantar dugmikið, gáfað og ábyrgt fólk – en það er skítsama í hvaða flokki það er.