Í grein í Fréttablaðinu tengir Sverrir Jakobsson brottrekstur Randvers úr Spaugstofunni við nýfrjálshyggjuna sem engu eiri.
En kannski eru menn farnir að leita langt yfir skammt. Allir Spaugstofuleikararnir eiga rætur sínar í leikhúsinu. Í leikhúsum er fólk ráðið og rekið eins og leikhússtjórum og leikstjórum þóknast, stundum fær það hlutverk – en svo koma dagar þegar það fær léleg hlutverk eða engin hlutverk.
Svona hefur þetta alltaf verið í leikhúsum – ábyggilega frá tíma Æskýlosar. Það er til dæmis merkilegt að sjá hvernig koma nýjar og fallegar leikkonur á nokkurra ára fresti. Hvað verður þá um þær sem voru nýjar og fallegar nokkrum árum áður?
Sumar hverfa bara, enda færri hlutverk fyrir miðaldra konur.
Þetta er sorglegt. En kemur nýfrjálshyggjunni varla mikið við.