Það eru engar líkur á því að Newcastle sé að leitast eftir því að selja lykilmann sinn Alexander Isak í sumarglugganum.

Þetta segir fyrrum framherjinn Ally McCoist en Isak er mikið orðaður við önnur félög í dag – Newcastle er þó eitt ríkasta ef ekki ríkasta félag heims.

McCoist telur að Isak geti spilað fyrir hvaða lið sem er í Evrópu og staðið sig vel en hann hefur átt flott tímabil hingað til og er eftirsóttur.

Skotinn telur þó að Newcastle gæti selt Isak ef félagið fær ‘fáránlega upphæð’ fyrir leikmanninn og væri það mögulega frá Sádi Arabíu.

,,Isak gæti spilað hvar sem er og í hvaða gæðaflokki sem er. Hann er líklega einn besti framherji Evrópu í dag – stórkostlegur,“ sagði McCoist.

,,Stuðningsmenn Newcastle munu vilja byggja vegg fyrir utan heimavöllinn – í þessum töluðu orðum! Ég held að félagið sé ekki að íhuga það að selja nema að fáránlegt tilboð berist.“