Manchester United þarf að rífa í gikkinn og selja vængmanninn Antony í sumar að sögn fyrrum leikmanns félagsins, Teddy Sheringham.

Antony hefur spilað frábærlega með Real Betis á Spáni undanfarið en er á lánssamningi hjá félaginu út tímabilið.

Brassinn náði aldrei að sýna sitt besta fyrir United og var mikið gagnrýndur og gæti vel hugsað með sér að það sé best að komast burt.

Antony er 25 ára gamall og er mikilvægur hlekkur í Betis í dag en þrátt fyrir góða frammistöðu telur Sheringham best að hann verði seldur enda kostaði leikmaðurinn um 80 milljónir á sínum tíma.

,,Ef þú spyrð mig þá ættu þeir að fá nógu mikla peninga fyrir hann og selja. Þetta eru aldrei endalokin fyrir þessa leikmenn hjá Manchester United,“ sagði Sheringham.

,,Þetta er frábært félag þegar hlutirnir ganga upp en það er mikið að þegar hlutirnir ganga illa.

,,Antony gæti vel hugsað með sér: ‘Af hverju ætti ég að snúa aftur og fá allan þennan skít þegar ég nýt lífsins á Spáni?’