fbpx
Sunnudagur 13.apríl 2025
Fréttir

Sigurbjörg birtir dæmi um mikla hækkun í Kópavogi – „Já, þú last rétt“

Ritstjórn DV
Fimmtudaginn 10. apríl 2025 14:30

Ekki missa af Helstu tíðindum dagsins í pósthólfið þitt

Lesa nánar

„Ég fordæmi þessar hækkanir og tel þær bæði óréttlátar og skammarlegar. Þetta er ekki forgangsröðun í þágu barna – þetta er forgangsröðun á kostnað þeirra.“

Þetta segir Sigurbjörg Erla Egilsdóttir, bæjarfulltrúi Pírata, í pistli á vef Vísis. Tilefni skrifanna eru hagræðingartillögur bæjarstjórans, Ásdísar Kristjánsdóttur, sem samþykktar voru í lok mars.

Í pistli á Vísi í morgun sagði Ásdís að Kópavogur væri að forgangsraða í þágu kennara, barna og skólastarfs. Tillögurnar sem hlotið hafa samþykki bæjarstjórnar fælu í sér aðgerðir að fjárhæð 680 milljónir króna á ársgrundvelli. Er þetta gert til að mæta nýgerðum kjarasamningi kennara.

Benti Ásdís á að laun kjörinna fulltrúa lækki um 10%, launafrysting lykilstjórnenda verði í gildi til júlí 2026 og þá lækki laun bæjarstjóra, bæði sem kjörinn fulltrúi um 10% og sem stjórnandi með launafrystingu í 15 mánuði.

105% hækkun

En það er fleira sem hangir á spítunni, að sögn Sigurbjargar. Þannig hafi Ásdís skautað fimlega framhjá þeirri staðreynd að í þessari „svokölluðu“ forgangsröðun felist meðal annars veruleg hækkun á gjöldum fyrir sumarnámskeið barna í sveitarfélaginu.

„Gjald fyrir hefðbundin frístundanámskeið hækkar í sumar um 53% frá því í fyrra. Gjald fyrir smíðanámskeið – þar sem börn fá að smíða sína eigin kofa – hækkar um allt að 105%. Já, þú last rétt: Það mun kosta rúmlega tvöfalt meira fyrir börn að smíða sér kofa í sumar en það gerði í fyrra.“

Sigurbjörg segir það alveg rétt að námskeiðin séu enn ódýrari en þau sem íþróttafélögin bjóða upp á. Fyrir margar fjölskyldur séu þessi námskeið ekki bara ódýrari valkostur heldur eini raunverulegi möguleikinn fyrir þau til að bjóða börnum sínum upp á að sækja sumarnámskeið.

Bitnar sérstaklega á barnafjölskyldum

„Þessi hækkun er nýjasta dæmið í röð aðgerða sem bitna sérstaklega á barnafjölskyldum í Kópavogi. Á kjörtímabilinu hafa meirihlutaflokkarnir, Sjálfstæðisflokkurinn og Framsókn, þegar hækkað leikskólagjöld um 30% fyrir 8 klukkustunda vistun,“ segir Sigurbjörg sem telur þetta ekki hæfa samfélagi sem vill teljast barnvænt.

„Í barnvænu samfélagi er það grundvallarregla að meta áhrif allra ákvarðana á börn. Fulltrúar meirihluta Sjálfstæðisflokks og Framsóknar höfnuðu því að vísa tillögunni til umsagnar Ungmennaráðs Kópavogs. Hlutverk ráðsins er að gæta hagsmuna barna í Kópavogi, og þessi tillaga snertir þá hagsmuni með afgerandi hætti. Kópavogsbær ber jafnframt ábyrgð sem barnvænt sveitarfélag. Áður en ákvarðanir sem varða börn eru teknar, á að meta áhrif þeirra á börn og það sem barni er fyrir bestu á alltaf að hafa forgang.“

Að mati Sigurbjargar þarf að velta fyrir sér hvaða áhrif slík gjaldskrárhækkun hefur á börn í Kópavogi.

„Gæti hún útilokað börn úr tekjulægri fjölskyldum frá þátttöku í sumarstarfi? Takmarkar hún aðgengi barna að frístundum, sem eru lykilþáttur í félagsfærni, öryggi og vellíðan barna?“

Sigurbjörg segir að lokum að það sé í besta falli villandi hjá bæjarstjóra að tala um aðgerðir í þágu barna. Börnin séu í raun að borga fyrir hagræðinguna.

„Ég fordæmi þessar hækkanir og tel þær bæði óréttlátar og skammarlegar. Þetta er ekki forgangsröðun í þágu barna – þetta er forgangsröðun á kostnað þeirra.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Tvær konur um fertugt unnu stóra vinninginn í lottóinu um síðustu helgi – Þetta ætla þær að gera

Tvær konur um fertugt unnu stóra vinninginn í lottóinu um síðustu helgi – Þetta ætla þær að gera
Fréttir
Í gær

Jakob Bjarnar skrifaði bréf til þjófsins og í kjölfarið gerðust undarlegir hlutir

Jakob Bjarnar skrifaði bréf til þjófsins og í kjölfarið gerðust undarlegir hlutir
Fréttir
Fyrir 2 dögum

Ingólfur tapaði meiðyrðamáli gegn konu

Ingólfur tapaði meiðyrðamáli gegn konu
Fréttir
Fyrir 2 dögum

Hryllingur á hjúkrunarheimili – Starfsmaður réðst á vistmann

Hryllingur á hjúkrunarheimili – Starfsmaður réðst á vistmann
Fréttir
Fyrir 2 dögum

Hryðjuverkaógn á Íslandi – Segja einstaklinga hér á landi langa og geta framið voðaverk

Hryðjuverkaógn á Íslandi – Segja einstaklinga hér á landi langa og geta framið voðaverk
Fréttir
Fyrir 2 dögum

Varar ríkisstjórnina við að breyta þessum málaflokki – „Myndi skaða samkeppnishæfni okkar á erlendum vettvangi“

Varar ríkisstjórnina við að breyta þessum málaflokki – „Myndi skaða samkeppnishæfni okkar á erlendum vettvangi“
Fréttir
Fyrir 2 dögum

Guðrún fór með 15 ára dóttur sinni á fótboltaleik – Blöskraði það sem hún sá

Guðrún fór með 15 ára dóttur sinni á fótboltaleik – Blöskraði það sem hún sá