Sævar Pétursson framkvæmdarstjóri KA vandar þeim Ólafi Kristjánssyni og Bjarna Guðjónssyni ekki kveðjurnar eftir fyrsta þátt Stúkunnar þetta tímabilið. Guðmundur Benediktsson stýrði þættinum af stakri snilld í gær.
Ólafur og Bjarni voru sérfræðingar Stúkunnar þegar farið var yfir sviðið í gærkvöldi. Þeir fóru þar meðal annars yfir leik KA og KR sem endaði með 2-2 jafntefli á Akureyri.
Þar fékk Aron Sigurðarson rautt spjald seint í leiknum og var atvikið sýnt í þættinum, Aron keyrði þá inn í Andra Fannar Stefánsson miðjumann KA
Bjarni sem er fyrrum framkvæmdarstjóri KR og fyrrum leikmaður félagsins var á því að þetta væri líklega ekki rautt spjald og Ólafur tók undir það.
Sævar sat fyrir framan sjónvarpið á Akureyri og var ekki sáttur með það sem hann sá.
„Common ef þetta eru sérfræðingar þá má leggja niður stúkuna,“ sagði Sævar um þáttinn vinsæla á Stöð2 Sport.
Sævar segir að Sveinn Arnarson, fjórði dómari leiksins hafi verið upp við atvikið. „4 dómarinn er upp við þetta og að halda því að Andri hlaupi á Aron er bara djók.“
Sævar hélt svo áfram. „Já við erum sammála um að vera ósammála, ef þú slærð til leikmanns þá er það rautt og ekkert annað samkvæmt laga bokstafnum.“
Common ef þetta eru sérfræðingar þá má leggja niður stúkuna. 4 dómarinn er upp við þetta og að halda því að Andri hlaupi á Aron er bara djók
— saevar petursson (@saevarp) April 7, 2025
