Annað kom hins vegar á daginn því talið er að nokkur hundruð ungmenni hafi verið í og við húsið þegar mest var síðastliðið laugardagskvöld.
Myndbönd frá gleðskapnum hafa meðal annars verið birt á samfélagsmiðlum og þá hafa einnig birst myndir og myndbönd af skemmdunum sem blöstu við í gærmorgun.
Húsgögn voru brotin og var ryksugu meðal annars kastað út í sundlaug við húsið. Þá voru tómar bjórdósir á víð og dreif og mikið af rusli hér og þar. Lögregla er með málið til rannsóknar og er talið að stór hluti þeirra sem voru á vettvangi séu undir lögaldri.
Eigandi hússins, Benjamin Holt, segir í samtali við ástralska miðilinn Sunrise að það erfiðasta við málið séu áhrifin á aðra leigjendur hússins.
„Við áttum til dæmis von á hjónum með tvö börn sem ætluðu að vera hér í fimm daga en urðum að láta þau vita að þau gætu ekki komið vegna skemmdanna. Það finnst mér erfiðast, að skemma fyrir fólki sem er kannski búið að skipuleggja fríið sitt.“
Holt vill að þeir sem tóku húsið á leigu og þóttust vera fimm manna fjölskylda sjái að sér og hafi samband. „En auðvitað skiptir mestu máli að engin slys hafi orðið. Það er hægt að laga þessar skemmdir,“ segir hann.
View this post on Instagram
