Ruud Gullit, fyrrum leikmaður Chelsea, segir að sitt fyrrum félag sé ráðgáta í dag en hann áttar sig ekki á því hvað félagið vill og hvað stuðningsmenn félagsins vilja.

Gullit vakti athygli með þessum ummælum í samtali við the Sun en Chelsea hefur út um allt undanfarin þrjú ár eftir að Roman Abramovich seldi félagið.

Hollendingurinn skilur ekki alveg hvað stuðningsmenn vilja frá eigendum félagsins og að sama skapi hvað eigendurnir vilja afreka á næstu árum.

,,Chelsea er enn þann dag í dag bara ráðgáta að mínu mati. Ég veit ekki hversu góðir þeir eru og ég veit ekki hversu slakir þeir eru,“ sagði Gullit.

,,Það er eins og þeir séu að reyna að finna sinn stað og hvað þeir eru. Þeir eru að reyna að klifra upp töfluna og kannski með tímanum geta þeir barist um titilinn.“

,,Ég veit hins vegar ekki hvar þeir eru í dag. Fólk er alltaf að segja við mig að þjálfarinn sé vandamálið – segið mér eitthvað nýtt.“

,,Ég skil það ekki. Ég veit ekki hvað þeir vilja, jafnvel þó þú náir árangri þá færðu sparkið. Ég reyni að átta mig á því hvað félagið stendur fyrir, hver er hugmyndafræðin og hvernig fótbolta vilja þeir spila?“