Það er komið að öðru sætinu og því miður fyrir Víkinga verða þeir þar aftur miðað við þessa spá. Þeir töpuðu eftirminnilega gegn Breiðabliki í hreinum úrslitaleik um titilinn í fyrra. Síðan hefur margt breyst, Arnar Gunnlaugsson er til að mynda hættur með liðið og farinn að þjálfa landsliðið. Sölvi Geir Ottesen aðstoðarmaður hans tók við. Þá er einn besti íslenski knattspyrnumaður í sögunni, Gylfi Þór Sigurðsson, mættur.
Hrafnkell Freyr Ágústson, séfrfræðingur um Bestu deildina, hefur eftirfarandi að segja um Víking:
2. sæti: Víkingur – Ég hef ekki miklar áhyggjur af þjálfarabreytingunni. Þetta er það sjóað lið og góður strúktúr. Það verður hrikalega skemmtilegt að sjá Gylfa með Víkingi. Þarna verður hann í rútineraðra liði með meiri strúktúr og gæti nýst betur. Ég hef smá áhyggjur af því að bæði Danijel Djuric og Ari Sigurpáls séu farnir. Það vantar smá X-factor í þeirra stað og ég held þeir séu að leita.
Lykilmaðurinn: Ingvar Jónsson – Þegar Ingvar var ekki með í fyrra þá töpuðu þeir yfirleitt leikjum. Hann þarf að vera klár í alla leiki í deild, bikar og Evrópu.
Þarf að stíga upp: Helgi Guðjónsson – Því hann er að fara í stærra hlutverk, sérstaklega nú þegar Ari og Djuric eru farnir. Ég held að nú muni hann byrja fleiri leiki í stað þess að vera koma inn af bekknun og skora.
