Sonur Jamie Carragher datt í lukkupottinn í landsleikjahlénu en hann hefur kosið það að spila fyrir landslið Möltu.

James Carragher er maðurinn og spilar hann fyrir Wigan á Englandi en hann var löglegur fyrir Möltu í gegnum afa sinn og ömmu.

Jamie er nafn sem flestir kannast við en hann gerði garðinn frægan með bæði Liverpool og enska landsliðinu á sínum tíma.

Jamie staðfestir það að sonur sinn hafi fengið treyju Robert Lewandowski, leikmanns Barcelona og Póllands, eftir leik liðanna í þessum mánuði.

,,James fékk að byrja báða leikina, ég var viss um að það myndi ekki gerast, þetta var í fyrsta sinn sem hann var í hópnum,“ sagði Carragher.

,,Honum tókst að fá treyju Lewandowski, það er sannleikurinn! Hann fékk að spila á móti honum síðustu 20 mínúturnar.“