fbpx
Fimmtudagur 03.apríl 2025
Fréttir

„Þetta er ein af verstu sviðsmyndunum sem við vorum búin að teikna upp“

Ritstjórn DV
Þriðjudaginn 1. apríl 2025 10:19

Ekki missa af Helstu tíðindum dagsins í pósthólfið þitt

Lesa nánar

Eldgos hófst á Sundhnúkagígsröðinni um klukkan 09:45 í morgun en sprungan opnaðist suðaustur af Þorbirni. Sprungan teygði sig hratt til suðurs og rétt fyrir klukkan 10 opnaðist sprungan innan við varnargarðinn fyrir ofan Grindavík.

Neyðarstig almannavarna var virkjað þegar eldgosið hófst og sagði Hjördís Guðmundsdóttir, samskiptastjóri almannavarna, að allir þeir sem enn dvelja í Grindavík til að yfirgefa bæinn strax.

Runólfur Þórhallsson, deildarstjóri almannavarna, sagði í beinni útsendingu hjá Rás 2 að atburðarásin væri að gerast mjög hratt núna. „Ég vil ítreka það til allra þeirra sem eru í Grindavík núna að yfirgefa bæinn strax,“ sagði hann.

Kvikugangurinn virðist vera um ellefu kílómetrar og þegar Runólfur var spurður að því hvort mögulega myndi gjósa inni í bænum sagði hann:

„Þessum fyrstu fösum í eldgosi fylgir gríðarleg óvissa og það er okkar fyrsta verkefni að ná sem bestu mögulegri stöðumynd þannig að óvissan er mjög mikil. Ég ítreka að við erum komin á neyðarstig og allir sem eru þarna þurfa að hugsa um eigið öryggi,“ sagði hann.

Hraunið er komið inn fyrir varnargarðinn og segir Runólfur að það séu ekki góð tíðindi.

„Þetta er ein af verstu sviðsmyndunum sem við vorum búin að teikna upp að þetta gæti gerst svona. Hraunið er að byrja að renna þarna og við sáum í fyrri atburðum að það opnaðist nær bænum. Þannig að ég ítreka að við erum í mikilli óvissu,“ sagði Runólfur og bætti við að um væri að ræða atburði sem gætu orðið mun stærri en fyrri atburðir.

Aðspurður hvort til greina kæmi að freista þess að ryðja upp varnargörðum sagði Runólfur að teymið sem sér um varnargarðana hefði verið virkja í morgun og það sé að setja allt sitt viðbragð af stað. Þá sé búið að virkja hraunkælingarteymi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 11 klukkutímum

Þorvaldur: Gætum átt von á óvæntum atburðum – „Það kæmi mér ekki á óvart“

Þorvaldur: Gætum átt von á óvæntum atburðum – „Það kæmi mér ekki á óvart“
Fréttir
Fyrir 11 klukkutímum

Staðan á Reykjanesskaga: 80-120 skjálftar mælast á hverri klukkustund

Staðan á Reykjanesskaga: 80-120 skjálftar mælast á hverri klukkustund
Fréttir
Fyrir 22 klukkutímum

Trump tilkynnir um tolla á innflutning – „Dagur frelsunar“

Trump tilkynnir um tolla á innflutning – „Dagur frelsunar“
Fréttir
Fyrir 23 klukkutímum

Jónas Már úthúðar Sjálfstæðisflokknum og Morgunblaðinu – Alvöru blaðamenn hljóti að íhuga stöðu sína

Jónas Már úthúðar Sjálfstæðisflokknum og Morgunblaðinu – Alvöru blaðamenn hljóti að íhuga stöðu sína
Fréttir
Í gær

Litáískur barnaníðingur kom sér undan refsingu með því að koma til Íslands – Neitar nú að fara aftur heim

Litáískur barnaníðingur kom sér undan refsingu með því að koma til Íslands – Neitar nú að fara aftur heim
Fréttir
Í gær

Stefán Einar svarar fyrir sig: „Fólk þarf ekki að mæta og það þarf ekki að hlusta”

Stefán Einar svarar fyrir sig: „Fólk þarf ekki að mæta og það þarf ekki að hlusta”