Það vakti athygli margra að Oleksandr Zinchenko fagnaði ekki marki sínu í leik Arsenal gegn PSV í Meistaradeildinni í gær.
Liðin mættust í seinni leik sínum í 16-liða úrslitum Meistaradeildar Evrópu. Arsenal vann fyrri leikinn 1-7 og því formsatriði að klára leikinn í gær.
Leikurinn í gær fór 2-2 og skoraði Zinchenko fyrsta mark Arsenal með laglegu skoti. Hann fagnaði hins vegar ekki og vakti það upp furðu.
Ástæðan er sú að bakvörðurinn lék með PSV á láni frá Manchester City tímabilið 2016-2017. Spilaði hann alls 12 leiki. Mörgum finnst þetta aðeins of langt gengið.
„Að fagna ekki því þú spilaðir 12 leiki fyrir liðið þegar þú varst 19 ára. Leikurinn er farinn,“ skrifaði einn netverjinn og fjöldi athugasemda var í þessum dúr, eins og enskir miðlar vekja athygli á.
