Það er nú svolítið öðruvísi að borða í flugvél en við matarborðið heima hjá sér. Plássið er af skornum skammti og maður situr mjög nálægt öðrum farþegum. Það er því full ástæða til að hugsa út í hvernig maður nýtur matarins án þess að trufla aðra farþega.

Jacqueline Whitmore, fyrrum flugfreyja og sérfræðingur í mannasiðum, segir að farþegar eigi að fylgja nokkrum einföldum reglum, sem eru þó mikilvægar, til að gera ferðina og máltíðina góða fyrir alla.

Forðastu sterka lykt – Þrátt fyrir að það sé freistandi að taka velkryddaðan mat eða jafnvel harðfisk með um borð, þá getur það orðið ansi óþægilegt  fyrir aðra farþega. Loftflæðið í vélinni þýðir að sterk lykt hangi lengi í loftinu.

Gættu að hreinlætinu – Enginn kærir sig um mylsnu út um allt eða samfarþega sem þurrkar fingurna í sætið sitt. Veldu mat sem er auðvelt að borða og notaðu hnífapör þegar hægt er. Mundi líka að vera með servíettur við höndina.

Borðaðu á réttum tímapunkti – Það er góð hugmynd að borða á sama tíma og aðrir farþegar því það veldur minni truflun. Ef þú borðar á öðrum tíma en hinir farþegarnir, gefðu þá umhverfinu gætur og reyndu að forðast að hafa hátt.

Taktu smávegis nasl með – Flugvélamatur getur verið óútreiknanlegur svo það er gott að taka smávegis nasl með sér, til dæmis hnetur, kex eða súkkulaði.