Það er óhætt að segja að nýjustu ummæli goðsagnarinnar Teddy Sheringham hafi vakið athygli en hann tjáði sig um sitt fyrrum félag Manchester United.

Sheringham var beðinn um að nefna mann sem gæti tekið við liðinu í dag ef Ruben Amorim fær sparkið á næstunni.

Sheringham vill meina að hinn umdeildi Roy Keane sé tilvalinn kostur en hann starfar í dag í sjónvarpi en bar áður fyrirliðabandið á Old Trafford.

,,Ef ég þarf að velja einn þá er það án alls vafa Roy Keane. Það eru engir leiðtogar í þessu liði,“ sagði Sheringham.

,,Þú þarft leiðtoga hjá bestu liðum heims. Þið þekkið menn eins og John Terry, Tony Adams og svo Roy Keane. Þessir menn sjá til þess að aðrir sinni sínu starfi.“

,,Það er enginn að sinna því hjá Manchester United í dag. Ég vil sjá Roy Keane koma inn og hrista til í hlutunum og fá fólk til að átta sig á því hvað þeir eiga að gera og eiga ekki að gera.“