Það getur komið fyrir að mistök séu það besta sem kemur fyrir mann. Það er að minnsta kosti reynsla Kelly Lindsay, sem býr í Carrollton í Virginíu í Bandaríkjunum. Hún vann tvær milljónir dollara, sem svarar til um 280 milljóna króna, fyrir mistök.

Þegar hún fór inn á Race Way bensínstöðina í Carrollton ætlaði hún að kaupa ákveðna tegund skafmiða. En þegar hún var komin út á bílastæði og skóf af miðanum, áttaði hún sig á að þetta var ekki skafmiði eins og hún ætlaði að kaupa, hún hafði ekki beðið um þessa tegund.

Hún játar að hafa verið pirruð í fyrstu þegar hún uppgötvaði mistökin en sá pirringur fauk út í veður og vind þegar hún sá að hún hafði unnið tvær milljónir dollara.

Líkurnar á að vinna þennan stóra vinning eru 1 á móti rúmlega 1,2 milljón.