Knattspyrnudeild Stjörnunnar býður Þorra Mar Þórisson hjartanlega velkominn í félagið!
Þorri kemur til Stjörnunnar frá Öster þar sem hann hefur verið síðan 2023. Þar áður var hann hjá KA þar sem hann lék 77 leiki fyrir félagið.

“Ég er virkilega ánægður með að hafa skrifað undir hjá Stjörnunni. Þótt ég hafi skoðað aðra valkosti, þá var það ljóst um leið og þetta tækifæri kom upp að þetta væri rétti staðurinn fyrir mig. Ég hef heyrt afar jákvæða hluti um félagið, bæði hvað varðar faglegt starf innan þess og þann mikla stuðning sem liðið fær. Að spila fyrir jafn öfluga stuðningsmenn og hér eru verður mikil hvatning fyrir bæði mig og liðið sjálft.

Umhverfið í kringum liðið er afar metnaðarfullt og þær styrkingar sem félagið hefur gert sýnir að markmiðin eru há.
Hópurinn er sterkur, vel samsettur og ég hlakka til að kynnast leikmönnunum betur á næstunni, en við förum í æfingaferð á morgun til spánar. Fótboltinn sem liðið vill spila er spennandi og ég tel að hann henti mér vel. Ég kem hingað með skýr markmið – að leggja mitt af mörkum og vinna titla með Stjörnunni.“ segir Þorri um félagsskiptin