Það vakti nokkra athygli þegar Róbert Orri Þorkelsson gekk í raðir Víkings í gær en hann hafnaði samkvæmt Dr. Football tilboði Vals til að fara í Víking.

Fyrrum félag hans Breiðablik hafði ekki áhuga á að semja við Róbert sem er öflugur miðvörður.

Hjörvar Hafliðason ræddi um komu Róberts til Víkings og hvað liðið hefur verið að gera á markaðnum í vetur. Víkingar hafa sótt sér stóra og kraftmikla leikmenn.

„Danni Hafsteins, er 1,85. Stór og sterkur strákur, Sveinn Margeir er 1,88 og er mikill íþróttamaður. Stígur Diljan er 1,91, Atli auðvitað. The gentle giant er 2,02. Svo er það Róbert Orri sem er 1,87 sirka. Það er verið að beefa þetta upp,“ sagði. Hjörvar í nýjasta þættinum af hlaðvarpi sínu.

Hjörvar segir skilaboðin einföld til Breiðabliks en liðin tvö hafa barist á toppi deildarinnar síðustu ár.

„Það á að berja Blikana í sumar, það eru bara skilaboðin frá Sölva. Það á að buffa þá.“