Manchester United fylgist með stöðu mála hjá Mathys Tel, sóknarmanni Bayern Munchen, nú þegar fimm dagar eru í að félagaskiptaglugginn loki.
Tel verður tvítugur í vor en Frakkinn hefur verið hjá Bayern síðan 2022. Kom hann frá Rennes í heimalandinu en er í litlu hlutverki í Þýskalandi.
United er sagt skoða að fá hann ef Marcus Rashford eða Alejandro Garnacho yfirgefa félagið, en báðir eru sterklega orðaðir við brottför frá Old Trafford.
Chelsea hefur einnig áhuga á Tel, sem getur leyst allar stöðurnar fremst á vellinum.
