Freyr Alexandersson, þjálfari norska stórliðsins Bergen, vill endurnýja kynnin við Sævar Atla Magnússon í Noregi samkvæmt fréttum þar í landi.
Freyr fékk Sævar á sínum tíma til Lyngby, sem þá var í dönsku B-deildinni, en kappinn hefur nú verið þar í tæp fjögur ár. Samningur hans rennur út í sumar.
Sævar hefur verið sterklega orðaður við brottför frá Lyngby, annað hvort strax í janúar eða á frjálsri sölu í sumar.
Sævar, sem verður 25 ára gamall í sumar, hefur þá verið orðaður við fleiri lið. Sagði hann til að mynda við 433.is fyrir áramót að þýska B-deildin væri áfangastaður sem heillaði hann.
