Bayer Leverkusen vill fá Evan Ferguson, framherja Brighton, til að leysa af Victor Boniface. Sky Sports segir frá.
Boniface er á leið til Al-Nassr í Sádi-Arabíu á um 42 milljónir punda og leita Þýskalandsmeistararnir að manni í hans stað.
Ferguson er sterklega orðaður við brottför frá Brighton, á láni eða varanlega, en hann hefur lítið fengið að spila á leiktíðinni. West Ham hefur til að mynda verið nefnt til sögunnar.
Leverkusen horfir hins vegar einnig til Ferguson og það verður spennandi að sjá hvað verður um þennan tvítuga leikmann, sem fyrir ekki svo löngu þótti gríðarlegt efni.
