Framtíð Mohamed Salah hjá Liverpool er enn í óvissu en yfirgefi hann félagið í sumar er Sádi-Arabía líklegasti áfangastaðurinn.

Telegraph segir frá þessu og enn fremur að Al-Hilal sé félagið sem um ræðir. Samningi Neymar við félagið hefur verið rift og vill það aðra stórstjörnu til liðs við sig.

Salah verður samningslaus hjá Liverpool í sumar en hann er að eiga eitt sitt besta tímabil á Anfield til þessa.

Hann má fara frítt í annað félag ef hann semur ekki og verði það niðurstaðan er Al-Hilal sem fyrr segir líklegasti áfangastaðurinn.

Fleiri lykilmenn eru að verða samnignslausir hjá Liverpool, þeir Trent Alexander-Arnold og Virgil van Dijk.

Virðist þetta ekki trufla liðið allt of mikið því það er á toppi ensku úrvalsdeildarinnar með sex stiga forskot á Arsenal.