Kristian Nökkvi Hlynsson er á leið til Sparta Rotterdam á láni frá Ajax samkvæmt hollenska miðlinum De Telegraaf.
Hinn 21 árs gamli Kristian hefur fengið fá tækifæri hjá Ajax í kjölfar þess að Francesco Farioli tók við sem stjóri. Hefur hann eðins komið við sögu með aðalliðinu níu sinnum á leiktíðinni, þar af aðeins fjórum sinnum í byrjunarliðinu.
Hjá Sparta Rotterdam hittir Kristian fyrir Maurice Steijn, fyrrum stjóra Ajax, en undir hans stjórn lék íslenski miðjumaðurinn 34 leiki hjá Ajax á síðustu leiktíð.
Sparta Rotterdam er í þriðja neðsta sæti hollensku úrvalsdeildarinnar, 2 stigum frá öruggu sæti. Hjá félaginu hittir Kristian fyrir Nökkva Þeyr Þórisson, sem gekk í raðir þess frá St. Louis í Bandaríkjunum á dögunum.
