Vetrarmánuðirnir eru hápunktur mandarínu og klementínuneyslunnar og flestar matvöruverslanir eru með þessa safaríku ávexti á boðstólum og eru þeir yfirleitt seldir í litlu neti.

Netin virðast kannski við fyrstu sýn vera góð aðferð til að geyma ávextina á en það eru þó ákveðnir ókostir við þessa aðferð.

Þetta segir maðurinn, sem stendur að baki hinni vinsælu YouTuberás „Smart Fox“ en hann er í augum margra sérfræðingur í ráðlegginum um eitt og annað varðandi hið daglega líf.

Hann segir að byrja megi á að benda á að þegar mandarínur eru í neti, þá geti þær auðveldlega klemmst saman sem hafi í för með sér að margar þeirra skemmist eftir nokkra daga.

Loftflæði er annar ókostur við netin. Þegar mandarínunum er pakkað þétt í net, þá ná þær ekki að anda almennilega.

Þetta kemur fram í myndbandinu hér fyrir neðan frá „Smart Fox“. Í því kemur fram að ef maður vill láta mandarínurnar endast eins lengi og hægt er, þá sé best að kaupa þær í lausu og geyma í ísskáp.