Það er möguleiki á að tími Robert Sanchez hjá Chelsea sé liðinn en hann átti afleitan leik gegn Manchester City í gærkvöldi.

Enskir miðlar fjalla mikið um frammistöðu Sanchez sem fær 2-3 í einkunn af tíu fyrir sitt framlag í 3-1 tapi.

Talið er að Enzo Maresca, stjóri Chelsea, sé kominn með nóg af Sanchez og eru líkur á að nýr maður verði keyptur í janúarglugganum.

Maresca gæti einnig treyst á hinn unga Filip Jorgensen sem hefur ekki heillað alla með sínum frammistöðum í Sambandsdeildinni á tímabilinu.

Sanchez er duglegur að gefa mörk í þeim leikjum sem hann spilar og átti mikinn þátt í öðru marki City sem Erling Haaland skoraði.