Sonur Jamie Carragher skoraði sitt fyrsta mark á ferlinum í gær er Wigan spilaði við Bristol Rovers í ensku þriðju deildinni.

Carragher gerði garðinn frægan sem miðvörður Liverpool og enska landsliðsins en það eru þónokkur ár síðan hann lagði skóna á hilluna.

Carragher starfar í dag í sjónvarpi og fylgist reglulega með syni sínum hjá Wigan en hann er 22 ára gamall.

Athygli velur að James er aðeins þremur mörkum frá því að jafna markamet Jamie sem var ekki duglegur að skora mörk á sínum ferli.

Samtals hefur James skorað eitt mark í 55 leikjum frá árinu 2021 en faðir hans skoraði fjögur mörk í 737 leikjum fyrir Liverpool.

Jamie komst þó einnig á blað fyrir yngri landslið Englands og á eitt mark fyrir bæði U20 og U21 landsliðin.