Liverpool vann sigur á Lille í Meistaradeildinni í kvöld en Hákon Arnar Haraldsson var í byrjunarliði þess síðarnefnda.
Það var Harvey Elliott sem tryggði Liverpool sigur en Lille var manni færri alveg frá 59. mínútu.
Mohamed Salah hafði komið Liverpool yfir áður en Jonathan David jafnaði metin fyrir Lille – Elliott skoraði svo sigurmarkið stuttu seinna.
Liverpool er á toppnum með fullt hús stiga í Meistaradeildinni eftir sjö leiki en næsta viðureign er gegn PSV.
Barcelona er í öðru sætinu og mætti Benfica á útivelli á sama tíma en sú viðureign var í raun ótrúleg.
Barcelona vann 5-4 sigur eftir að hafa lent 3-1 undir en Raphinha tryggði liðinu sigur á 96. mínútu í uppbótartíma.
Atletico Madrid vann þá Leverkusen 2-1 á heimavelli og Juventus gerði markalaust jafntefli við Club Brugge.
