Signý Björk Ólafsdóttir er 46 ára fimm barna móðir sem hefur misst allt á nokkrum árum. Hún tók þátt í góðærinu og byggði sér 300 fermetra glæsihöll í Grafarvogi. Síðustu átta mánuði hefur hún gist á bedda hjá frænku sinni eftir að hafa orðið gjaldþrota árið 2010. Signý sagði sögu sína í Fréttatímanum en myndbandsviðtal má sjá fyrir neðan. Þar brotnar Signý saman þegar hún greinir frá erfiðum augnablikum í lífi sínu.

„Við fórum alla leið í 2007 vitleysunni, byggðum 300 fermetra hús á Landsímalóðinni í Grafarvogi með hjólhýsi fyrir utan og sjónvarp í hverju herbergi.“

Þremur árum síðar var Signý og eiginmaður hennar gjaldþrota. Í kjölfarið ákváðu þau að skilja. Signý var með níu bílalán á bakinu sem voru tilkomin vegna fyrirtækis þeirra hjóna.

Í myndbandsviðtalinu sem sjá má fyrir neðan segir Signý:

„Þessi skilnaður var rosalegt skipsbrot og breyttist rosaleg mikið í lífi mínu. Það er rosa skrítið að vera fertug og eiga ekki kúst. Eiga ekki eldhúsborð. Eiga ekki glös. Þá fór ég að vinna í heimaþjónustunni í Hátúni og var að þjóna líka.“

Tvö barna þeirra voru flutt að heiman en hin þrjú fluttu til Signýjar. Fljótlega eftir það fékk Signý taugaáfall og hætti að vinna.

„Þú getur ímyndað þér hvað launin mín lækkuðu við að hætta í tveimur vinnum og fara á endurhæfingarlífeyri. Ég fór út úr íbúðinni í sófann hjá frænku. Það var í júlí í fyrra. Börnin mín eiga ekki sömu möguleika og önnur börn vegna þess að ég á ekki fokkans pening,“ segir Signý og brotnar saman en heldur áfram:

„Þetta er svo hallærislegt … Það er mjög erfitt að vita að börnin manns eiga ekki pening eða stað til að búa á vegna þess að ég get ekki stutt þau á neinn hátt. Það er mjög kjánalegt. Það er ekki eins og ég sé að eyða í eitthvað. Ég er búin að vera bíllaus í þrjú ár. Það er krúttað vegna þess að ég ætlaði aldrei í strætó. En ég á ekki peninga fyrir grænakortinu.“

Hér má lesa viðtalið í heild sinni.

(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = „//connect.facebook.net/en_US/sdk.js#xfbml=1&version=v2.3“; fjs.parentNode.insertBefore(js, fjs);}(document, ‘script’, ‘facebook-jssdk’));