Það ríkir að vonum ánægja með frammistöðu Íslendinga gegn Kúbu á HM í handbolta en strákarnir okkar unnu 23 marka sigur og slökuðu aldrei á. Það mátti sjá á samfélagsmiðlum í kvöld að  landsmenn voru ánægðir með frammistöðu okkar manna en sumir höfðu á orði að munurinn á liðunum væri sláandi mikill.

„Það ætti að blása þennan leik Íslands og Kúbu af vandræðalegur getumunur,“ sagði Gunnþór Sigurðsson á Facebook.

„40 – 19!!! Stórkostlegur leikur!!“ sagði Finnbogi Auðarsson, himinglaður með gang mála.

„Flottur sigur til lukku með geggjaðan leik“ segir Mosfellingurinn Leifur Guðjónsson og beinir kveðjunni til stórskyttunnar úr Aftureldingu, Þorsteins Leós Gunnarssonar, sem átti flottan leik og sendi nokkra þrumufleyga í mark Kúbu.

„Af hverju lætur þulurinn á rúv eins og þetta sé spennandi?“ sagði Daníel Magnús Guðlaugsson, en Einar Örn Jónsson, sem lýsti leiknum, lifði sig að venju inn í leikinn þó að hann væri aldrei tvísýnn

Aron Pálmarsson er fyrir löngu orðinn fullnuma í handboltakúnstinni. En þessi sýnikennsla sem hann bauð upp á í rúmt korter hér í upphafi leiks var unaðsleg. #handbolti

— Höllin er úrelt (@Nyjahollstrax) January 18, 2025

Þetta er list 🎯

HM dagsins er eitthvað sem maður bíður eftir á meðan mótinu stendur. Vel gert 👌#handbolti #hmruv https://t.co/iuWYbxZu7E

— Logi Geirsson (@logigeirsson) January 18, 2025

Líklega er Björgvin Páll markahæsti markmaður sögunnar. Hvað segja sérfræðingar @handboltiis um það? #handbolti

— Ómar Stefánsson (@OmarStef) January 18, 2025